电视剧《六姊妹》剧照
辣电视剧里向，我老偏爱看年代剧个。因为就算勿看剧情，只要舞美设计到位，也能让阿拉想起交关小辰光个事体。之前看《六姊妹》，看到伊拉屋里向个红黑几何方块玻璃杯，居然跟阿拉屋里一模一样，眼泪水差点落下来。
阿拉搿代人，就是看着家用电器一样样走进屋里个。最早来个是旋风牌电风扇，姆妈帮外婆买来个辰光，特意强调迭只牌子个电风扇质量好——因为公司辣门店橱窗里就摆了一台，从早开到夜，24小时勿停，从商店开张起就一直让伊转，一天也呒没停过。我记得迭家店就辣延安路浪，后来有一趟我经过，真个看到迭只电风扇还辣转。勿晓得橱窗里迭只电风扇后来到底转了多少年，不过商家迭种营销方式，我印象老深刻个。
展开剩余64%旋风牌电风扇
第二样进屋里个是电视机。现在看大屏幕高清电视长大个小朋友，绝对想勿到最早普及个电视机勿但是黑白个，还只有九英寸，电视机顶浪有两根天线。只要画面出雪花了，就要调整天线个长度、角度，才能让画面清爽点，所以老早看电视，还是一桩体力活。
九英寸黑白电视机
第三样走进阿拉屋里个，是阿爸到罗马尼亚出差带回来个索尼双卡录音机，还有两盒十盘装个空白磁带。当我晓得伊居然能拿声音录下来个辰光，心里向斜气激动！姆妈就用迭只录音机，录了电台播个全本沪剧《雷雨》，不管是念白还是唱段，我百听勿厌。埃歇辰光电视里一直播广告个是燕舞牌收录机，广告歌词是“燕舞，燕舞，一曲歌来一片情！”演员头戴耳机，一边听一边唱一边跳，跟品牌个名字、气质、用途侪老合拍个，所以我到今朝还会唱迭首广告歌。
索尼双卡录音机
再后来，屋里又有了冰箱。我记得第一趟看到冰箱，是辣外地工作个阿姨回上海买个，货送到开箱之后，就摆辣沿马路个街沿浪。大家听说拿食品放辣冰箱里勿会坏，还能自家做冰块，隔壁邻居侪跑来看热闹：有人好奇伸手摸两记，有人勿敢摸，就用眼神从上到下盯牢看，胆子大点个还会拉开冰箱门看里向个结构。每个人侪是一边觉得稀奇，一边又有点眼红个表情。
小辰光勿懂啥养生股投网配资，冰箱一打开冒出来个冷气，就是夏天个味道呀！阿拉屋里有了冰箱之后，我跟妹妹就用勿着每天下半天跑到冰水站买冰水了，还能用自家烧个绿豆汤、赤豆汤做棒冰。勿过阿拉做出来个棒冰，绿豆赤豆总归沉到模具最底下，拿出来吃个辰光，最先吃到个侪是豆子。小辰光我一直搞勿懂，为啥自家做勿出跟冷饮店一模一样个棒冰，但是迭种原始棒冰个味道，直到今朝还留辣我心里。懵懵懂懂个小辰光，辣阿拉个人生里留下个印记，就像迭根棒冰，清甜无添加，却让人吃了之后回味无穷。
发布于：上海市华林优配提示：文章来自网络，不代表本站观点。
相关文章
热点资讯
